सुनसरी । सुनसरीको दुहबी नगरपालिका–१० स्थित नहरचौकमा आज दिउँसो दुई मोटरसाइकल जुध्दा एक जनाको मृत्यु भएको छ । एक जना घाइते छन् ।
Advertisement
दिउँसो पौने २ बजे को ९ प ७००० नम्बरको मोटरसाइकल र को ४ प ६११२ नम्बरको मोटरसाइकल जुधेका हुन् । मोटरसाइकल जुध्दा को ४ प ६११२ नम्बरको मोटरसाइकल चालक गढी गाउँपालिका–२ सखुवारे कलरुवाका ३२ बर्षीय संजय चौधरी गंभीर घाइते भएका थिए । उपचारका लागि मोरङको बुढिगंगास्थित बिराट टिचिङ अस्पताल लैजादै गर्दा उनको मृत्यु भएको हो ।
अर्को मोटरसाइकलका चालक मोरङको झोराहाट नयाँ बजारका १८ बर्षीय निकेश बजारु पनि घाइते भएका छन् । जीवन ज्योति अस्पताल दुहबीमा उनको उपचार भइरहेको इलाका प्रहरी कार्यालय दुहबीले जनाएको छ ।
