धनकुटा । बनमा लागेको डढेलो गाउँमा पस्दा आज धनकुटाको साँगुरीगढी गाउँपालिका–१ चेम्माङमा एउटा घर जलेर नष्ट भएको छ । स्थानीय जंगलमा लागेको डढेलो गाउँमा आईपुग्दा चेम्माङका प्रेमबहादुर लिम्बुको घर जलेर नष्ट भएको हो ।
बनबाट आगो फैलिएर दिउँसो करिब १ बजे घरमा आइपुगेको थियो । आगलागीबाट लिम्बूको एक तले टिनको छानो भएको कच्चि घर जलेर नष्ट भएको जिल्ला प्रहरी कार्यालय धनकुटाले जनाएको छ । आगलागीबाट घरमा भएका अन्न, लत्ताकपडासहित सम्पूर्ण सामाग्री जलेर नष्ट हुँदा करिब तीन लाख बराबरको क्षति भएको प्रहरीको अनुमान छ ।
Advertisement
जंगल क्षेत्रमा अझै पनि आगो लागिरहेको छ । आगो नियन्त्रण गरेर गाउँमा थप क्षति हुँन नदिन सो क्षेत्रमा नेपाल प्रहरी र सशस्त्र प्रहरी परिचालन गरिएको छ । केही दिन यता धनकुटाका बिभिन्न सामुदायिक बनमा दैनिक जसो डढेलो लागिरहेको छ ।
