धनकुटा । धनकुटा नगरपालिका वडा नं.४ भोटेचौताराका राजकुमार दिक्पालको घरमा शुक्रवार दिउँसो आगलागी भएको छ । पोर्चुगल वस्दै आएका पत्रकार एवं साहित्यकार दिक्पालको घरमा विधुत सर्ट भएर आगलागी भएको हो ।
Advertisement
दिक्पाल परिवारसहित पोर्चुगल बस्दै आएका छन् । उनका दाजु भाउजु र आमा केही दिन अघि काठमाण्डौं गएका थिए । घरमा कोही नभएका बेला आगलागी भएको हो ।
आगलागीबाट मानवीय क्षति नभएपनि करिब १० लाख बराबरको क्षति भएको अनुमान गरिएको धनकुटाका प्रहरी प्रमुख गोविन्द अधिकारीले बताए । नगद १ लाख ५० हजार र २ तोलाको सुनको औठी पनि आगोमा जलेको छ ।
धनकुटा नगरपालिकाको दमकलको सहायतामा नेपाल प्रहरी, सशस्त्र प्रहरी, नेपाली सेना र स्थानीयले करिव १ घण्टाको प्रयासपछि आगो नियन्त्रणमा लिएका छन् ।
