सुनसरी । सुनसरीको भोक्राहा नरसिङ–४ स्थित पूर्व–पश्चिम राजमार्गमा मोटरसाइकलले ठक्कर दिँदा पैदलयात्रीको मृत्यु भएको छ । मृत्यु हुँनेमा ईनरुवा नगरपालिका–८ डुम्राहाकी ६० बर्षीया खट्रो उराव छन् ।
Advertisement
बुधबार बेलुका करिव साढे ५ बजे स ४ प ५७१३ नम्बरको मोटरसाइकलले ठक्कर दिँदा उराव घाइते भएकी थिइन् । जिल्ला अस्पताल ईनरुवामा उपचारका क्रममा उनको मृत्यु भएको छ ।
मोटरसाइकल चालक सप्तरीको कैलाडी–६ का ५० बर्षीय शिव नारायण मण्डलसमेत घाईते भएका छन् । विराटनगरस्थित गोल्डेन अस्पतालमा उनको उपचार भईरहेको जिल्ला प्रहरी कार्यालय सुनसरीले जनाएको छ ।
