ईलाम । ईलामबाट ब्राउन सुगरसहित चार जना पक्राउ परेका छन् । ईलाम नगरपालिका–७ बाट ब्राउन सुगरसहित सुर्योदय–१० का २३ बर्षीय दियोग राई, देउमाई–४ का १८ बर्षीय प्रवेश तिरुवा बि.क., इलाम नगरपालिका–५ का ३५ बर्षीय योगेश राई र फिदिम नगरपालिका–१० का २३ बर्षीय अनिल लिम्बु पक्राउ परेका हुन् ।
बिशेष सूचनाका आधारमा जिल्ला प्रहरी कार्यालय ईलामबाट खटिएको टोलीले ७५० मिलिग्राम ब्राउन सुगर, स्टिलको प्लेट १ थान, नेपाली ५ रुपैयाँको नोट ३ थान र लागुऔषध सेवन गर्ने ढुङग्रोसहित उनीहरुलाई पक्राउ गरेको हो ।
Advertisement
पक्राउ परेका चारै जनाको विषयमा थप अनुसन्धान भइरहेको प्रहरीले जनाएको छ ।
