तेह्रथुम । तेह्रथुममा श्रीमतीको हत्या गरी फरार रहेका एक जनालाई प्रहरीले पक्राउ गरेको छ । पक्राउ पर्नेमा छथर गाउँपालिका–१ का ५२ बर्षीय तेन्जे शेर्पा छन् ।
Advertisement
फागुन–३ गते सामान्य घरायशी विवादका क्रममा झगडा हुँदा कुटपिट गरेर ५६ बर्षीया श्रीमती छिरिङ डोमा शेर्पाको हत्या गरी तेन्जे फरार भएका थिए । जिल्ला प्रहरी कार्यालय तेह्रथुमबाट खटिएको टोलीले झापाको काँकडभिट्टाबाट उनलाई पक्राउ गरेको हो ।
पक्राउ परेका शेर्पाको विषयमा थप अनुसन्धान भईरहेको जिल्ला प्रहरी कार्यालय तेह्रथुमले जनाएको छ ।
