मोरङ । मोरङको कटहरी गाउँपालिका–४ स्थित चमराही चौकबाट लागुऔषध खैरो हिरोइनसहित तीन जना पक्राउ परेका छन् । पक्राउ पर्नेमा मोरङ कटहरी गाउँपालिका–२ का ३३ बर्षीय धनिराम चौधरी, कटहरी–४ का ३७ बर्षीय मनराज शेख र २३ बर्षीय कैलाश मण्डल छन् ।
लागुऔषध नियन्त्रण ब्युरो विराटनगरबाट खटिएको प्रहरी टोलीले आइतबार दिउँसो साँढे ३ बजे उनीहरुलाई नियन्त्रणमा लिएको हो ।
उनीहरुको साथबाट प्लास्टिकले बेरिएको अवस्थामा खैरो हिरोइन आठ ग्राम र डिजिटल काटा एक थान बरामद भएको जिल्ला प्रहरी कार्यालय मोरङले जनाएको छ ।