संगालोखबर सम्वाददाता 
विराटनगर । मोरङको उर्लाबारी नगरपालिका–४ मा गएराती ट्रकले स्कुटरलाई ठक्कर दिँदा दुई जनाको मृत्यु भएको छ । पूर्वतर्फ जाँदै गरेको प्रदेश १–०१–००१ क १०३५ नम्बरको ट्रकले विपरीत दिशाबाट आउँदै गरेको को ३१ प ५१ नम्बरको स्कुटरलाई ठक्कर दिएको हो ।
दुर्घटनामा परी स्कुटरमा सवार उर्लाबारी–८ सिसौलीका २३ वर्षीय प्रदीप धामी र २२ वर्षीय सुदीप भुजेलको मृत्यु भएको प्रहरीले जनाएको छ । प्रहरीका अनुसार अर्को गाडीलाई ओभरटेक गरिरहेको ट्रकमा तीव्र गतिमा रहेको स्कुटर ठोक्किएर दुर्घटना भएको हो ।
Advertisement
ट्रक र चालक झापाको कमल गाउँपालिका–६ का ४३ वर्षीय भक्तबहादुर दाहाललाई प्रहरीले नियन्त्रणमा लिएको छ ।
