विराटनगर । नेपाल कम्युनिष्ट पार्टी (नेकपा) को केपी ओली समूहले आज विराटनगरमा १ नम्बर प्रदेश स्तरीय सभा गर्दैछ । ओली पक्षिय नेकपा १ नम्बर प्रदेश कमिटीको आयोजनामा हुँने सभालाई नेकपा अध्यक्ष एवं प्रधानमन्त्री केपी शर्मा ओलीले संवोधन गर्ने कार्यक्रम छ ।
नेकपा नेताहरु सुवास नेम्वाङ्ग, रामबहादुर थापा लगायतले पनि सभालाई संवोधन गर्नेछन् । विराटनगरको मुनालपथस्थित प्रदर्शनीस्थलमा बिहान ११ बजेदेखि सभा सुरु हुँने आयोजकले जनाएको छ ।
सभामा १ लाख भन्दा बढी मानिस उतार्ने आयोजकको दावी छ । सभाका लागि सुनसरी, झापा, धनकुटा, इलाम लगायत प्रदेश १ का बिभिन्न जिल्लाबाट नेकपा नेता कार्यकर्ता विराटनगर आउँदैछन् ।