विराटनगर, १३ साउन । ईलाका प्रहरी कार्यालय रानी विराटनगरमा कैदीबन्दीका लागि सुबिधासम्पन्न २ कोठे हिरासतकक्ष निर्माण गरिएको छ ।
स्थानीयवासीको सहयोगमा ईलाका प्रहरी कार्यालय रानीले १९ लाख बराबरको लगानीमा निर्माण गरेको हिरासतकक्षको औपचारिक उद्घाटन गरी प्रयोगमा ल्याईएको हो ।
जिल्ला प्रहरी कार्यालय मोरङका प्रहरी प्रमुख एसपी मनोज कुमार केसीले हिरासत कक्षको उद्घाटन गरेका हुन् । यसअघि २०५० सालमा निर्माण गरिएको एक कोठे भवनमा कैदीबन्दी बस्दै आएका थिए ।
अव महिला र पुरुष दुवै कैदीबन्दीका लागि छुट्टा–छुट्टै कोठा निर्माण गरिएको ईलाका प्रहरी कार्यालय रानीका प्रहरी निरीक्षक सन्तोष निरौलाले जानकारी दिए ।
यसअघि ईलाका प्रहरी कार्यालय रानीको हिरासत कक्षमा पुरुषलाई मात्र राख्ने गरिएको थियो । अव एउटै भवनमा महिला र पुरुष दुवैका लागि ट्वाईलेट बाथरुम कोठाभित्रै रहेको सुविधायुक्त हिरासतकक्ष प्रयोगमा ल्याईएको हो ।