धनकुटा, २५ असार । धनकुटामा आज दिउँसो करेन्ट लागेर एक युवक गंभीर घाइते भएका छन् ।
Advertisement
धनकुटा–७ बसपार्क स्थित दिपेन्द्र पराजुलीको निर्माणाधिन घरमा आल्मुनियम सिसा लगाउँने क्रममा करेन्ट लाग्दा दैलेखका २५ बर्षीय गणेश रावत गंभीर घाइते भएका हुन् ।
काम गर्ने क्रममा घर छेउमा रहेको मेन लाइनको नाङ्गो तारले भेटेर रावतलाई करेन्ट लागेको जिल्ला प्रहरी कार्यालय धनकुटाले जनाएको छ ।
गंभीर घाइते उनलाई तत्काल धनकुटा जिल्ला अस्पताल ल्याईएको थियो । जिल्ला अस्पतालमा उपचार हुन नसकेपछि धरान स्थित वीपी कोईराला स्वास्थ्य बिज्ञान प्रतिष्ठान लगियो ।
प्रतिष्ठानमासमेत उपचार हुन नसकेपछि बिराटनगर स्थित नोबेल शिक्षण अस्पताल लगिएको छ । घाइतेको अवस्था चिन्ताजनक रहेको प्रहरीले जनाएको छ ।
