भेषराज कटेल/संगालोखबर धनकुटा, २२ असार । धनकुटा नगरपालिका–७ रमाईलो घुम्तीमा आज बिहान माईक्रोबस दुर्घटना हुँदा १८ जना घाईते भएका छन् ।
हिलेबाट धरान तर्फ जाँदै गरेको को.१ ख.२८४७ नम्बरको माईक्रोबस बिहान करिव साँढे ८ बजे ब्रेक फेल भएर दुर्घटना भएको हो ।
Advertisement
दुर्घटनामा परी दुई जना गंभीर र १६ जना सामान्य घाईते भएको धनकुटाका प्रहरी प्रमुख सुरेन्द्रबहादुर गुरुङले संगालोखबरलाई जानकारी दिए ।
गंभीर घाईते दुई जनालाई थप उपचारका लागि धरान स्थित वीपी कोईराला स्वास्थ्य बिज्ञान प्रतिष्ठान पठाईएको छ । वाँँकी १६ जनाको धनकुटा जिल्ला अस्पतालमा उपचार भईरहेको छ ।
ओरालो सडकमा ब्रेक फेल भएर माईक्रोबस दुर्घटना भएको धनकुटाका ट्राफिक प्रहरी दिपक खड्काले बताए ।
ब्रेक फेल भएर अनियन्त्रित भएको माईक्रोबस कोशी ग्यास डिलर तर्फ जाने सडकको भित्तामा ठोक्किएको छ ।
