धनकुटा, १८ असार । विश्व खेलकुद दिवसको अवसर पारेर सोमबार हिले बजारमा रक्तदान कार्यक्रम गरिएको छ ।
Advertisement
हिले व्याडमिन्टन क्लवले आयोजना गरेको रक्तदानबाट ६६ यूनिट रगत संकलन भएको छ । कार्यक्रममा खेलाडीहरुसँगै स्थानीयबासीले पनि रक्तदान गरेका थिए ।
उद्योग वाणिज्य संघका अध्यक्ष उमेश घिमिरे, जिल्ला खेलकुद विकास समिति अध्यक्ष भोगेन्द्र थापा लगायतले पनि रक्तदान गरे ।
सोहि अवसरमा भएको कार्यक्रममा धनकुटा–१ का वडाध्यक्ष निरन तामाङले सामाजिक काममा ब्याडमिन्टन क्लवको भूमिका प्रसंसनीय रहेको बताए ।
रक्तदान पश्चात रक्तदातालाई प्रमाणपत्र प्रदान गरिएको हिले व्याडमिन्टन क्लबका अध्यक्ष राम गोङ्वाले जानकारी दिए ।
हिले ब्याडमिन्टन क्लवले गत बर्ष पनि रक्तदान कार्यक्रम गरेको थियो ।
