निश्चल पोख्रेल/संगालोखबर 
तेह्रथुम, २७ जेठ । तिनजुरे मिडिया ग्रुप प्रवास नेपालले उत्कृष्ठ कार्यसम्पादन गरेको भन्दै चार जना रेडियोकर्मीलाई सम्मान गरेको छ । लालिगुँरास नगरपालिकामा संचालित रेडियो तिनजुरेका कार्यक्रम संचालक तथा प्राविधिकलाई सम्मान गरिएको हो ।
Advertisement
रेडियोका कार्यक्रम प्रस्तोता बिकास गुरुङ्ग, तुलसा श्रेष्ठ, प्राबिधिक रमेश ढकाल र भबिना गुरुङ्गलाई सम्मान गरिएको हो । कार्यक्रम प्रस्तोता गुरुङ्ग र श्रेष्ठलाई नगद दुई÷दुई हजारसहित प्रमाणपत्र प्रदान गरिएको छ ।
रेडियोकर्मीलाई थप हौसला प्रदान गर्ने उद्धेश्यले सम्मान गरिएको तिनजुरे मिडिया ग्रुपका अध्यक्ष देव बास्कोटाले जानकारी दिए । उनका अनुसार आगामी दिनमा पनि यस्ता कार्यक्रमलाई निरन्तरता दिईनेछ ।
