उदयपुर, १७ जेठ । उदयपुरको लिम्चुङबुङ गाउँपालिकामा बिहीबार साँझ वर्षासंगै परेको चट्याङ लागेर तीन जनाको मृत्यु भएको छ । एक जना गम्भीर घाईते छन् ।
Advertisement
चट्याङ लागेर लिम्चुङबुङ–२ ताम्लिछा गैरीगाउँका ६३ वर्षीय धनप्रताप राई, ८ वर्षीया बिष्णुमाया भुजेल र ११ बर्षीय कौशल भुजेलको घटनास्थलमै मृत्यु भएको जिल्ला प्रहरी कार्यालय उदयपुरले जनाएको छ ।
चट्याङ लागेर ६ बर्षीय रिजकु भुजेल घाईते भएका छन् । घाईतेलाई उपचारका लागि सदरमुकाम गाईघाट ल्याईएको जिल्ला प्रहरी कार्यालयका प्रमुख एसपी नवराज भट्टले जानकारी दिए ।
स्थानीय कृषबहादुर भुजेलको घरको दलानमा बसिरहेका वेला चट्याङ परेको थियो ।
हावाहुरीसँगै पानी पर्न थालेपछि ओत लागेर बसीरहेको अवस्थामा सोलारबत्ति बाल्न लाग्दा सोलारमा चट्याङले हानेर मान्छेलाई लागेको हुनसक्ने वडाध्यक्ष भविन्द्रकुमार राईले बताए ।
