धनकुटा, १७ जेठ । धनकुटा नगरपालिकामा चालु आर्थिक वर्षमा सञ्चालित दुई वटा सिपमुलक तालिमको अनुगमन गरिएको छ ।
Advertisement
स्विस कन्ट्याम्टको सहयोगमा पाथीभरा हिमालयन पोलिटेक्निक इस्टिच्युट इटहरीको आयोजना तथा जिल्ला युवा समितिको संयोजनमा सञ्चालित तीन महिने विल्डिङ वाइरिङ तालिम र तीन महिने सिलाई बुनाई तालिमको अनुगमन गरिएको हो ।
जिल्ला युवा समितिका अध्यक्ष अर्जुन छारा, पाथीभरा हिमालयन पोलिटेक्निक इस्टिच्युटका जिल्ला कोर्डिनेटर माधव केसी लगायतको टोलीले तालिमको अनुगमन गरेको हो ।
युवाहरुलाई सिपमुलक तालिम दिई स्वदेशमै स्वरोजगारको वातावरण निर्माण गर्न तालिम सञ्चालन गरिएको जिल्ला युवा समितिका अध्यक्ष छाराले बताए ।
धनकुटा नगरपालिका–७ बसपार्कमा विल्डिङ इलेक्ट्रीसियन तालिम आगामी २० गतेसम्म चल्नेछ भने ६ नम्बर वडाको ड्रेस मेकर तालिम अनुगमनसँगै समापन गरिएको छ ।
विल्डिङ वाइरिङ तालिममा ९ जना सहभागि छन भने सिलाई बुनाइ तालिममा २० जना सहभागि थिए ।
