धनकुटा, ११ जेठ । धनकुटामा ‘राज्य पुन संरचनामा शहीद तथा बेपत्ता परिवारको योगदान’ बिषयक अन्र्तक्रिया कार्यक्रम सम्पन्न भएको छ । धनकुटा नगरपालिकाको सहयोगमा शहीद सरोकार समाज जिल्ला कार्यसमिति धनकुटाले शुक्रवार कार्यक्रम आयोजना गरेको हो ।
Advertisement
कार्यक्रममा बोल्ने बक्ताहरुले शहीदको योगदानका कारण देश अहिलेको अवस्थामा आईपुगेको चर्चा गर्दै शहीदका योगदानको स्मरण गरे ।
कार्यक्रममा धनकुटा नगरपालिकाका मेयर चिन्तन तामाङले देश संघीयतामा लैजाने अभियानमा पनि शहीदहरुकै योगदान रहेको बताए ।शहीद परिवारको जिवनस्तर उकास्नका लागि धनकुटा नगरपालिकाले बिषेश कार्यक्रम ल्याउँने पनि मेयर तामाङले बताएका छन् ।
