काठमाडौं, १५ माघ। एमाले अध्यक्ष केपी ओली र माओवादी अध्यक्ष प्रचण्डले पार्टी एकता र नयाँ सरकार गठन सँगसँगै टुंगो लगाउने गरी छलफल केन्द्रित गरेका छन् ।
Advertisement
चार दिनयता लगातार ‘वान टु वान’ छलफल गरिरहेका ओली र प्रचण्डले दुवै विषयलाई सँगसँगै टुंगो लगाउने सहमति गरेका हुन् । आइतबार दुई नेताबीच ललितपुरस्थित मानभवनमा करिब साढे तीन घन्टा छलफल भएको थियो ।
‘एकताका विभिन्न मोडालिटीमा चलिरहेको छलफल सकारात्मक दिशाउन्मुख भइरहेको छ,’ एमाले सचिव प्रदीप ज्ञवालीले भने, ‘बाहिर पार्टी एकता सरकारअघि कि पछि गलत ढंगले प्रचार गर्न खोजिए पनि दुवै विषय सँगसँगै टुंगिने गरी छलफल अघि बढिरहेको छ ।’
