संगालोखबर 
विराटनगर । मोरङको धनपालथान गाउँपालिका–७ मा मोटरसाइकलले ठक्कर दिँदा एक वृद्धाको मृत्यु भएको छ ।दुर्घटनामा ७० वर्षीया चुम्नीदेवी मण्डलकाे मृत्यु भएकाे हाे ।
प्रहरीका अनुसार बुधबार राति कदमाहाबाट नोचातर्फ जाँदै गरेको को ३३ प ८९५३ नम्बरको मोटरसाइकलले बाटो काट्दै गरेकी मण्डललाई ठक्कर दिएको थियाे ।
गम्भीर घाइते भएकी मण्डललाई उपचारका लागि विराटनगरस्थित न्युरो अस्पताल लगिएकोमा आज बिहान ४ बजेतिर मृत्यु भएको प्रहरीले जनाएको छ ।
मोटरसाइकल चालक धनपालथान-१ नोचाका १७ वर्षीय धिरज मण्डललाई प्रहरीले नियन्त्रणमा लिएको छ ।
