संगालोखबर 
विराटनगर । राष्ट्रिय सभा सदस्यका लागि भएको निर्वाचनमा कोशी प्रदेशबाट नेकपा एमाले र नेपाली काँग्रेस गठबन्धनका उम्मेदवार निर्वाचित भएका छन् । गठबन्धनमा काँग्रेसका सुनिलबहादुर थापा, एमालेका सोम पोर्तेल र रोशनी मेचे निर्वाचित भएका हुन् ।
सुनिलबहादुर पूर्वप्रधानमन्त्री सूर्यबहादुर थापाका छोरा हुन् । उनका प्रतिस्पर्धी नेकपाका हेमराज घिमिरे मनोनयनका लागि समयमै उपस्थित नभएपछि थापा सर्वसम्मत भएका थिए ।
दलित कोटाबाट निर्वाचित पोर्तेल झापा जिल्ला समन्वय समितिका पूर्वप्रमुख हुन् । २०४७ सालदेखि विद्यार्थी राजनीतिबाट यात्रा सुरु गरेका उनी एमालेको भ्रातृ संगठन ‘मुक्ति समाज नेपाल’ का केन्द्रीय उप-महासचिव हुन् ।
महिला कोटाबाट विजयी मेचे अल्पसंख्यक समुदायको प्रतिनिधित्व गर्छिन् । उनले पूर्वप्रधानमन्त्री केपी शर्मा ओलीको सचिवालयमा रहेर काम गरिसकेकी छन् ।
