कोशीका नवनियुक्त मन्त्री पराजुलीले जेनजी आन्दोलनका घाइते ढकाललाई भेटे

विराटनगर । कोशी प्रदेशका नवनियुक्त पर्यटन, वन तथा वातावरण मन्त्री भीम पराजुलीले जेनजी आन्दोलनका घाइते सान्तनु ढकाललाई भेटेका छन् ।

मोरङको बुढीगंगा-७ बरमनीया स्थित उनकै निवासमा पुगेर मन्त्री पराजुलीले स्वास्थ्य अवस्थाबारे जानकारी लिएका हुन् ।

उनले ढकालका आफन्त र परिवारसँग भेट गरेर आवश्यक सहयोग गर्ने आश्वासन दिएका छन् । पराजुली मंगलबार कोशी प्रदेश सरकारको मन्त्रीमा नियुक्त भएका हुन् ।

जेनजी आन्दोलनका क्रममा भदौ २३ गते सुनसरीको इटहरीमा गोली लागेर ढकाल घाइते भएका थिए । उनी उपचारपछि घरमै आराम गरिरहेका छन् ।