संगालोखबर 
विराटनगर । कोशी प्रदेशका मुख्यमन्त्री हिक्मत कुमार कार्कीले किराँत समुदायको महान् पर्व उधौली (छिरीनाम) तथा लिम्बू (याक्थुङ्बा) समुदायको प्रमुख चाड चासोक तङ्नामको अवसरमा शुभकामना व्यक्त गरेका छन् ।
यस्तै यले संम्वत ५०८५, ज्यापु समुदायको सांस्कृतिक पहिचान बोकेको यःमरी पुन्हि (ज्यापु दिवस) र धान्य पूर्णिमाको पावन अवसरमा पनि उनले शुभकामना व्यक्त गरेका छन् ।
Advertisement
किराँत समुदायका राई, लिम्बु, सुनुवार लगायतले मनाउने उधौली हाम्रो मौलिक र विशिष्ट पर्व भएको उनले शुभकामना सन्देशमा उल्लेख गरेका छन् ।
नेपाल बहुजातीय, बहुसांस्कृतिक र बहुधार्मिक राष्ट्र भएको जनाउँदै उनले कोशी प्रदेश सरकार स्थापना कालदेखि नै सबै धर्म, संस्कृति र परम्पराको संरक्षणमा प्रतिबद्ध रहेको उल्लेख गरेका छन् ।
यस्ता विविधताबीचको एकता र मौलिक पर्वहरूमा हुने आपसी सद्भाव र भ्रातृत्वको भावनले ‘समृद्ध नेपाल, सुखी नेपाली’ को लक्ष्य हासिल गर्न टेवा पुगेको उनको विश्वास छ ।
