संगालोखबर 
विराटनगर । विराटनगरमा आज बिहानको राति कार दुर्घटना हुँदा चार जना घाइते भएका छन् । पिपल चोकबाट कञ्चनबारीतर्फ गइरहेको प्रदेश ०१-०२९ च २२२१ नम्बरको कार आफैँ अनियन्त्रित भएर डिभाइडरमा ठोक्किएर दुर्घटना भएको प्रहरीले जनाएको छ ।
दुर्घटनामा कार चालक विराटनगर-६ का २६ वर्षीय रियाज आलम घाइते भएका छन् । उनको आँखा माथि चोट लागेको प्रहरीले जनाएको छ ।
Advertisement
यस्तै कारमा सवार सोही स्थानका २४ वर्षीय दिलछात आलम, २५ वर्षीय अब्दुल रहिम र २७ वर्षीय मोहमद अबुजर घाइते भएका छन् । उनीहरूको शरीरका विभिन्न भागमा सामान्य चोट लागेको प्रहरीले जनाएको छ ।
प्रहरीका अनुसार घाइते चारै जनाको अवस्था सामान्य रहेको छ । उनीहरूको नोबेल अस्पतालमा उपचार भइरहेको प्रहरीले जनाएको छ । तीब्र गतिमा रहेको कार अनियन्त्रित हुँदा दुर्घटना भएको प्रहरीको निष्कर्ष छ ।
