सुनसरीमा सिटी सफारी दुर्घटना हुँदा एक जनाको मृत्यु 

सुनसरी । सुनसरीको रामधुनी-६ ढेडिगाउँमा सिटी सफारी दुर्घटना हुँदा एक जनाको मृत्यु भएको छ । प्र १-०२-००३ ह १९ नम्बरको सिटी सफारी कच्ची सडकमा आफैँ अनियन्त्रित भएर दुर्घटना हुँदा चालकको मृत्यु भएको हो ।

दुर्घटनामा सोही स्थानका ५० वर्षीय विनोद चौधरीको मृत्यु भएको प्रहरीले जनाएको छ । दुर्घटना पश्चात स्थानीय मेडिकलमा उपचार गरेर घर लगिएकोमा उनी एक्कासि बेहोस भएका थिए ।

Advertisement

उनलाई थप उपचारका लागि विराट टिचिङ अस्पताल लगिएकोमा चिकित्सकले मृत घोषणा गरेका थिए । आफ्नै खेतमा धान लिन जाने क्रममा सफारी दुर्घटनामा परेको थियो ।