विराटनगर जेसीजको अध्यक्षमा दाहाल निर्वाचित

विराटनगर । विराटनगर जेसीजको ५२ औं अध्यक्षमा प्रीतेशराज दाहाल निर्वाचित भएका छन् । जेसीजको सचिवालयमा भएको निर्वाचनबाट दाहाल अध्यक्षमा निर्वाचित भएका हुन् ।

वरिष्ठ कार्यकारिणी उपाध्यक्षमा कविराज दाहाल, तालिम निर्देशकमा सुभास भण्डारी, कार्यकारिणी उपाध्यक्षमा शिव शंकर मण्डल र अभिषेक भट्टराई निर्वाचित भए । यस्तै उपाध्यक्षमा अनुज दाहाल, मनोज तिवारी, शिवराज पोखरेल, रिजन सिग्देल र जनसम्पर्क अधिकारीमा अभिषेक गौतम निर्वाचित भएका छन् ।

नवनिर्वाचित अध्यक्ष दाहालले नयाँ योजनाका साथ विभिन्न कामहरू गर्ने बताए । विराटनगर जेसिजका वर्तमान अध्यक्ष तुलसी निरौलाले चाँडै नै एक कार्यक्रमको आयोजना गरी पद हस्तान्तरण गरिने जानकारी दिए ।