संगालोखबर 
विराटनगर । मोरङको ग्रामथान गाउँपालिकाको अध्यक्ष पदका उम्मेदवारमाथि कुनै पनि किसिमको उजुरी परेको छैन । हिजो दिउँसो ३ बजेसम्म उम्मेदवारमाथि उजुरी गर्ने समय तोकिएको थियो ।
सो समयभित्र कसैमाथि पनि कुनै किसिमको उजुरी नपरेको सहायक निर्वाचन अधिकृत रामराज पौडेलले जानकारी दिए । ग्रामथानको प्रमुख पदमा दलबाट १५ र १ स्वतन्त्रसहित १६ जनाको उम्मेदवारी दर्ता भएको छ । आज साँझ ५ देखि ६ बजेसम्ममा उम्मेदवारको नामावली प्रकाशन हुनेछ ।
Advertisement
नेपाली काँग्रेसबाट निर्वाचित अध्यक्ष जयप्रकाश गच्छदारको निधन भएपछि ग्रामथानमा उपनिर्वाचन हुन लागेको हो । उपनिर्वाचन आगामी मंसिर १६ गते हुँदैछ ।
