मुन गीत गजलका सञ्चालकमाथि खुकुरी हानेको आरोपमा दुई जना पक्राउ 

विराटनगर । विराटनगर-९ स्थित मुन गीत गजलका सञ्चालक दिलिपकुमार भगत माथि खुकुरी प्रहार गरेको आरोपमा दुई जना पक्राउ परेका छन् । उनीहरूलाई धरानबाट पक्राउ गरेर विराटनगर ल्याउँदै गरिएको मोरङ प्रहरीले जनाएको छ । पक्राउ परेकाहरूको नाम भने खुलाइएको छैन ।

मोरङ प्रहरीका निमित्त प्रवक्ता हेमराज ओलीले संगालोखबरसँग भने, ‘पक्राउ गरेर विराटनगर ल्याउँदै गरेको अवस्था हो । यहाँ ल्याइसके पछि थप कुरा खुल्छ ।’ हिजो साँझ भगतलाई खुकुरी हानेर उनीहरू फरार भएका थिए ।

Advertisement