संगालोखबर 
विराटनगर । मोरङको सुन्दरहरैँचास्थित दुलारीमा भएको बस दुर्घटनामा घाइते भएका १६ जनालाई उपचारका लागि अस्पताल पठाइएको छ । केहीबेर अघि मे १ ख २६२८ नम्बर र को १ ख ७२१६ नम्बरको बस ठोक्किएर दुर्घटना भएको हो ।
नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीका प्रहरी उपरीक्षक सरोज पौडेलका अनुसार घटनाको थप विवरण आउन बाँकी छ । अहिले दुर्घटनाग्रस्त गाडीलाई पन्छाएर राजमार्ग सुचारु भइसकेको पौडेलले संगालोखबरलाई जानकारी दिए ।
Advertisement
इलाका प्रहरी कार्यालय बेलबारीका प्रहरी निरीक्षक कृष्ण बहादुर खत्रीले केही समयमा विस्तृत जानकारी आउने बताए । घाइतेहरूलाई उद्दार गरेर अस्पताल पठाउने काम भइरहेको उनको भनाइ छ ।
