सप्तकोसी नदीमा पानीको बहाव ५६ वर्ष यताको सबैभन्दा बढी

सुनसरी । सप्तकोसी नदीमा पानीको बहाव प्रतिसेकेन्ड ६ लाख ४३ हजार ५ सय ४० क्युसेक पुगेको छ । यो ६५ वर्ष यताको सबैभन्दा बढी हो । आज बिहान ३ बजे गरिएको मापन अनुसार पानीको बहाव निरन्तर बढिरहेको पाइएको कोशी ब्यारेज कन्ट्रोल रुमले जनाएको छ ।

जलसतह खतरा तहभन्दा ११.२६ मिटरमाथि पुगिसकेको छ । ब्यारेजका ५६ वटै ढोका खोलिएका छन् । तरपनि कोशी ब्यारेजमा पुल माथिबाट पानी बगिरहेको छ । यसअघि सन् १९६८ अक्टोबर ५ तारिखमा पानीको बहाव हालसम्मको सबैभन्दा बढी प्रतिसेकेन्ड ७ लाख ८८ हजार २ सय क्युसेक मापन गरिएको थियो । त्यसयता ५६ वर्षको अवधिमा अहिले जति धेरै पानीको बहाव पुगेको थिएन ।

पानीको सतह अझै बढिरहेकाले बाढीबाट कटान हुनसक्ने क्षेत्र तथा डुबान हुने उदयपुर, सुनसरी र सप्तरीका होचा भूभागमा नबस्न र सुरक्षित स्थानमा जान सप्तकोसी चतरा जलमापन केन्द्रले सूचना जारी गरेको भनिसकेको छ । कोशी ब्यारेजमा पनि हिजो अपरान्ह ४ बजेबाट आवतजावत रोक लगाइएको छ ।

यसरी बढ्दैछ पानीको बहाव