संगालोखबर 
धनकुटा । धनकुटामा आज बिहान भएको अटो दुर्घटनामा पाँच जना घाइते भएका छन् । बेलहाराबाट धनकुटा बजारतर्फ आउँदै गरेको प्रदेश १-०२-००३ ह ३५०० नम्बरको अटो अनियन्त्रित भएर बिहान ११ बजेतिर दुर्घटना भएको हो ।
दुर्घटनामा धनकुटा नगरपालिका-९ बेलहारा की ३६ वर्षीय रेश्मा तामाङ, ३० वर्षीय अन्जना तामाङ, ३१ वर्षीय दीपक तामाङ घाइते भएका छन् ।
Advertisement
यसैगरी सोही स्थानका २६ वर्षीय प्रविण नेपाली र दीपक तामाङको ११ वर्षीय छोरा प्रिन्स तामाङ पनि घाइते भएका छन् ।घाइतेहरूको शरीरको विभिन्न भागमा चोटपटक लागेको र अवस्था सामान्य रहेको प्रहरीले जानकारी दिएको छ ।
घाइतेहरूको जिल्ला अस्पताल धनकुटामा उपचार भइरहेको छ । अटो चालक धनकुटा नगरपालिका-९ बेलहराका ३९ वर्षीय मान बहादुर तामाङ भने सकुशल रहेका छन् । दुर्घटनाको कारण भने खुल्न बाँकी छ ।
