धनकुटाको लेगुवामा अटो दुर्घटना

धनकुटा । धनकुटाको महालक्ष्मी नगरपालिका-५ लेगुवामा अटो दुर्घटना हुँदा एक जना घाइते भएका छन् । दुर्घटनामा महालक्ष्मी नगरपालिका-७ की ४२ वर्षीय मन कुमारी तामाङ सामान्य घाइते भएकी हुन् ।

उनको स्थानीय मेडिकलमा उपचार भइरहेको प्रहरीले जनाएको छ । हिजो भोजपुरबाट लेगुवातर्फ आउँदै गरेको अटो आफैँ अनियन्त्रित भएर दुर्घटना भएको हो । अटो चालक महालक्ष्मी-४ का ३५ वर्षीय तेज बहादुर बिक प्रहरी चौकी लेगुवाको नियन्त्रणमा छन् ।

Advertisement

चालकको लापरबाहीका कारण दुर्घटना भएको प्रहरीले जनाएको छ । उनको साथमा सवारी चालक अनुमति पत्र समेत नभएको प्रहरीले उल्लेख गरेको छ ।