संगालोखबर 
विराटनगर । पूर्वराष्ट्रपति विद्यादेवी भण्डारीले जितिया पर्वले समुदायमा विश्वास, सहयोग र सद्भावको भावना प्रगाढ बनाउने बताएकी छन् । अप्पन विराटगढ परोकार समाजको आयोजनामा भएको कार्यक्रममा पूर्वराष्ट्रपति भण्डारीले यस्तो बताएकी हुन् ।
Advertisement
उनले जितियाले मुलुकभित्रका विभिन्न जातजाति, भाषाभाषी र समुदायकाबीचमा एकता र समझदारीको भावनालाई सबल बनाउँदै वृहत राष्ट्रिय एकतालाई सुदृढ बनाउने उल्लेख गरिन् ।
पूर्व राष्ट्रपति भण्डारीले जानकी सभ्यताका कारण मिथिला भूमि प्राचीन भूमिका रूपमा रहेको उल्लेख गर्दै मैथिली समुदायको कला संस्कृति संरक्षणका लागि विद्यापतिको योगदान महत्वपूर्ण भएको बताइन् ।
कोशी प्रदेशका मुख्यमन्त्री हिक्मतकुमार कार्कीले पूर्वी झापादेखि मुलुकको मध्य खण्डसम्म जितिया पर्व मनाइँदै आएको उल्लेख गरे ।
महेन्द्र मोरङ आदर्श बहुमुखी क्याम्पसमा भएको कार्यक्रममा नेपाल र भारतका ख्यातिप्राप्त मैथिली कलाकर्मीहरूले सांस्कृतिक प्रस्तुती दिएका थिए ।
