खेलकुद समिति मोरङको अध्यक्षमा तामाङको पुनर्बहाली

विराटनगर । जिल्ला खेलकुद विकास समिति मोरङको अध्यक्षमा इन्द्रकुमार योन्जन तामाङको पुनर्बहाली भएको छ । उच्च अदालत विराटनगरका न्यायाधीश विपुल न्यौपाने र श्रीधरा कुमारी पुडासैनीको संयुक्त इजालशले तामाङलाई अध्यक्षमा पुनर्बहाली गर्न आदेश दिएको हो ।

२०८० चैत २३ गते तामाङ खेलकुद विकास समितिको अध्यक्षमा नियुक्त भएका थिए । कोशी प्रदेश खेलकुद विकास बोर्डका सदस्य सचिव पर्शुराम बस्नेतले भदौ ६ गते तामाङलाई अध्यक्षबाट निलम्बन गरेका थिए ।

निलम्बित भएपछि तामाङले प्रदेश खेलकुद विकास बोर्डलाई विपक्षी बनाएर उच्च अदालतमा रिट निवेदन दर्ता गरेका थिए । लामो समयदेखि कराँतेमा सक्रिय रहेका तामाङ सितोरियो कराँतेका राष्ट्रिय कोच तथा थर्ड डन रहेका थिए ।