Advertisement
काठमाडौं, २३ भदौ । विगतमा खासा नाका भएर रक्तचन्दन तस्कर गर्दै आएको समूह नै पछिल्ला दिनमा रसुवाको केरुङ नाकाबाट सुन तस्करीमा सक्रिय रहेको पाइएको छ ।
काठमाडौंमा गत सोमबार बरामद ८८ किलो सुनको अनुसन्धान गर्दा चीन र नेपालमा रहेको पुरानै तस्कर समूह केरुङ नाका हुँदै सुन भित्र्याउन सक्रिय देखिएको प्रहरीले जनाएको छ ।
अनुसन्धानमा संलग्न अधिकारीका अनुसार, चीनबाट सुन पठाउन र केरुङ नाकाबाट भन्सार छलेर काठमाडौंमा ल्याउन चिनियाँ नागरिक सक्रिय छन् ।
काठमाडौंमा भण्डारणमा समेत चिनियाँ नागरिक नै संलग्न रहेको र काठमाडौंको बजारमा तस्करीको सुन फैलाउन र भारत पुर्याउन नेपाली नागरिक संलग्न रहेको प्रहरी स्रोतले जानकारी दियो ।
२०६२–६३ को जनआन्दोलनसँगै भारतमा रहेको रक्तचन्दन चीनको तिब्बत पुर्याउन नेपालको स्थलमार्गको प्रयोग बढेको थियो । अहिले त्यही समूह सुन तस्करीमा लागेको नागरिक दैनिकमा खबर छ ।
