विराटनगर । जिल्ला कारागार मोरङमा आज एक कैदीबन्दीको मृत्यु भएको छ । पुर्पक्षका लागि थुनामा रहेका मोरङको पथरीशनिश्चरे नगरपालिका–३ का ६८ वर्षीय दलबहादुर दमाईको मृत्यु भएको हो ।
Advertisement
बिहान कारागारभित्रै रहेका बेला उनी बेहोस भएर ढलेका थिए । उपचारका लागि कोशी अस्पताल लैजाने क्रममा उनको मृत्यु भएको मोरङका प्रहरी प्रवक्ता डीएसपी रञ्जनकुमार दाहालले जानकारी दिए ।
डीएसपी दाहालका अनुसार उनमा मुटुरोग र रक्तचापको समस्या थियो । उनी औषधि खाँदै आएका थिए । कर्तव्य ज्यान मुद्दामा उनलाई जिल्ला अदालतले गत बैशाख ७ गते पुर्पक्षका लागि कारागार चलान गरेको थियो ।
