सोलुखुम्बु । सोलुखुम्बुमा भर्याङबाट लड्दा एक जनाको मृत्यु भएको छ । मृत्यु हुँनेमा खुम्बु पासाङलाम्हु गाँउपालिका–१ खरिखोलाका ३३ बर्षीय रिन्जी पासाङ शेर्पा छन् ।
सोताङ गाँउपालिका–५ मा रहेको बिरेन्द्र ज्योती माध्यामिक विद्यालयको निर्माणाधिन भवनको मिस्त्री काम गरेर त्यही बस्दै आएका रिन्जी गएराती ११ बजे भर्याङबाट लडेका थिए । भर्याङबाट लडेर कञ्चटमा चोट लाग्दा उनी गंभीर घाइते भएका थिए ।
Advertisement
उनलाई उपचारका लागि प्राथमिक स्वास्थ्य चौकी सोताङ लगिएको थियो । उपचारकै क्रममा राती सवा १२ बजे उनको मृत्यु भएको ईलाका प्रहरी कार्यालय सोताङले जनाएको छ ।
