धरान । धरानबाट खैरो हेरोइनसहित प्रहरीले दुई जनालाई पक्राउ गरेको छ । सोमबार राती करिव १० बजे धरान–१३ बाट स्थानीय २४ बर्षिय सचिन प्रधानलाई खैरो हेरोइनसहित प्रहरीले पक्राउ गरेको हो ।
Advertisement
शंका लागेर प्रहरीले उनको शरीर तलासी गर्दा पाईन्टको गोजीमा लुकाएको अवस्थामा १ ग्राम खैरो हेरोइन फेला पारेको हो ।प्रधानलाई नियन्त्रणमा लिएर सोधपुछ गर्दा उक्त खैरो हेरोइन मोरङको केराबारी–५ का २४ बर्षिय सन्दिप राईबाट किनेको खुलेपछि राईलाईसमेत धरान–६ स्थित पानमारीबाट प्रक्राउ गरिएको छ ।
उनको शरीर खोजतलास गर्दा उनले लगाएको पाईन्टको गोजीमा लुकाएको अवस्थामा ७०० मिलिग्राम खैरो हेरोइन फेला परेको जिल्ला प्रहरी कार्यालय सुनसरीले जनाएको छ । पक्राउ परेका दुबै जनालाई सुनसरी जिल्ला अदालतबाट लागुऔषध मुद्धामा म्याद थप गरी थप अनुसन्धान भइरहेको छ ।
