धनकुटा, १४ पुस । धनकुटा नगरपालिका–६ पात्लेमा शनिबार बेलुका ट्रक पल्टिदा एक जनाको मृत्यु भएको छ । मृत्यु हुनेमा सोहि स्थानका ६२ वर्षीय गुरुप्रसाद दाहाल छन् ।
धनकुटाबाट बाँस लिएर धरानतर्फ जाँदै गरेको बा.३ ख.६१५१ नम्बरको ट्रक पल्टिदा किचिएर दाहाल गम्भीर घाईते भएका थिए ।
उनलाई उपचारका लागि धनकुटा जिल्ला अस्पताल ल्याईएको भएपनि उपचारकै क्रममा मृत्यु भएको जिल्ला प्रहरी प्रमुख सुरेन्द्रबहादुर गुरुङले जानकारी दिए ।
दुर्घटनाग्रस्त ट्रक घटनास्थलमै छ । चालकलाई नियन्त्रणमा लिईएको प्रहरीले जनाएको छ ।