धनकुटा, ६ असोज । गस्तीमा रहेको प्रहरीको गाडीमा ढुंगा हानेको आरोपमा पाख्रीबास नगरपालिका वडा न ४ का वडा सदस्य बम बहादुर गुरुङ पक्राउ परेका छन् ।
Advertisement
माधक पदार्थ सेवन गरी इलाका प्रहरी कार्यालय पाख्रीबासको बा.२ झ.२३३ नम्बरको गाडीमा ढुंगा प्रहार गरेको भन्दै वडा सदस्य गुरुङलाई प्रहरीले पक्राउ गरेको हो ।
पाख्रीबास नगरपालिका कार्यालय अगाडी रोकिराखेको अवस्थामा गुरुङले गाडीमा ढुंगा प्रहार गरेको प्रहरीको आरोप छ ।
उनलाई सोहि स्थानबाट प्रहरीले नियन्त्रणमा लिएको धनकुटाका प्रहरी निरीक्षक सुरज खड्काले जानकारी दिए ।
पक्राउ परेका गुरुङबिरुद्ध आपराधिक प्रवेश उपद्रव कसुर अन्तर्गत मुद्धा दायर गरिएको प्रहरीले जनाएको छ ।
