जंगलको आगो बस्तीमा पस्दा दुई घर, चार गोठ र दर्जन चौपाया जले, आगो अनियन्त्रित

धनकुटाकोे जलकन्या सामुदायिक बनमा लागेको आगो बस्तीमा पस्दा दुई घर र चार गोठ जलेर नष्ट भएका छन् । मुलघाट बजार भन्दा माथी रहेको सो बनमा दिउँसो करिब २ बजेबाट आगलागी सुरु भएको हो । हावाहुरीका कारण आगो अनियन्त्रित भई बस्तीमा पस्दा धनकुटा–९ माङडाँडाका मुखजित राई र मानबहादुर राईको घर जलेको धनकुटाका प्रहरी प्रमुख सुदिप राजभण्डारीले संगालोखबरलाई जानकारी दिए ।